Windowsကြောင့် ဖြစ်တဲ့ Error မျိုးဆိုရင်တော့ Windows ပြန်တင်လိုက်လို့ ကောင်းသွားနိုင်ပေမယ့် တခြား Hardwareပိုင်း Error တစ်ခုခုကြောင့် ဖြစ်နေခဲ့မယ်ဆိုရင်တော့ Windows ပြန်တင်လိုက်ရင်လဲ အလကားပါပဲ အချိန်ကုန်တာပဲ အဖတ်တင်ပါလိမ့်မယ်။ ဒါကြောင့် ဘယ်လို အခြေအနေမျိုးမှာ Blue Screen Error ဖြစ်နိုင်သလဲ၊ မဖြစ်အောင် ဘယ်လို ကာကွယ်မလဲ စသည်ဖြင့် လေ့လာကြည့်ကြရအောင်ဗျာ။ အရင်ဆုံး Bluescreen Errorက ဘယ်လိုကြောင့် ဖြစ်ရသလဲဆိုတာကို ပြောရရင် Computerရဲ့ Windows Operating Systemကနေ ထုတ်ပေးလိုက်တဲ့ Fatal Error Codeကြောင့် ဖြစ်ပါတယ်။ ဒီ Error Codeက ဘာပြောချင်တာလဲဆိုတော့ ကျွန်တော်တို့ အခု အသုံးပြုနေတဲ့ Windows OSကို ပြန်ပြီး Recover အနေနဲ့လဲ ပြန်လုပ်လို့ မရတော့ပါဘူး။ အခု အသုံးပြုနေတဲ့ OS ကတော့ Crash ဖြစ်သွားပါပြီဆိုတဲ့ အကြောင်းကို အသုံးပြုသူတွေကို လှမ်းအကြောင်းကြားခြင်း ဖြစ်ပါတယ်။ အဲဒီလိုမျိုး ပေါ်လာတဲ့ Blue Screen Error Pageပေါ်မှာ ပါတဲ့ Error Codeတွေကို ဖတ်ပြီးတော့လဲ Windowsကြောင့် ဖြစ်တာလား ဒါမှမဟုတ် အခြားသော Memory၊ Hard Disk၊ Motherboard စသည့် Hardware အစိတ်အပိုင်းတွေကြောင့် ဖြစ်တာလား ဆိုတာကို ခွဲခြားလို့ ရပါတယ်။ နောက်တစ်ခုကတော့ Windows Filesတွေ ရှိတဲ့ Partition (ဥပမာ) C: Partition ဆိုပါစို့။ သူ့အောက်မှာ ရှိတဲ့ Windowsရဲ့ System 32ထဲက File တစ်ခုခု ပျက်သွားမယ်ဆိုရင်လဲ Blue Screen ပေါ်လာပြီး Windowsနဲ့ ပတ်သက်တဲ့ Error Page ဖော်ပြတတ်ပါတယ်။ Memory ကြောင့်လဲ ဖြစ်တတ်ပါတယ်။ ဘယ်လို အခြေအနေမျိုးမှာလဲဆိုတော့ Program တစ်ခုကို ဖွင့်လိုက်တဲ့အချိန်မှာ ကိုယ်သုံးထားတဲ့ Memoryက အဲဒီ Programကို မနိုင်ဘူးဆိုရင် စက်ဟန်းသွားတာတို့ Blue Screen Error တက်ပြီး Restart ကျသွားတာမျိုးတွေ ဖြစ်တတ်ပါတယ်။ နောက်ပြီးတော့ Memoryက လုံးဝ ပျက်သွားတာမျိုး မဟုတ်ပဲနဲ့ Memory အစိတ်အပိုင်းတစ်ချို့ ပျက်သွားတာတို့၊ Memory လွတ်နေတာတို့၊ နောက်တစ်ခုက Memory ရဲ့ အောက်ခြေမှာ ရှိတဲ့ ကြေးငုတ်လေးတွေက ဖုန်တက်နေတာတို့ ဂျီးတက်နေတာတို့ ဖြစ်နေမယ်ဆိုရင် Memoryနဲ့ ပတ်သက်တဲ့ Blue Screen Error တက်နိုင်ပါတယ်။ နောက်တစ်ခုက Hard Disk ကြောင့်လဲ Blue Screen Error တက်နိုင်ပါတယ်။ Hard Disk ကြောင့် အဖြစ်များတာကတော့ Hard Diskမှာ Bad Sector ဖြစ်နေတဲ့ အခါမျိုး၊ Hard Disk ပျက်တဲ့ အခါမျိုးတွေမှာလဲ ဖြစ်တတ်ပါတယ်။ ဒါတွေကတော့ Blue Screen Error အဖြစ်အများဆုံး Errorတွေပါ။
ဒါဆိုရင် Blue Screen Error မဖြစ်အောင် ဘယ်လို ကာကွယ်မူတွေ ပြုလုပ်ကြမလဲ။
၁။ windowsရဲ့ System Fileတွေကို Virusတွေ မဖျက်ဆီးနိုင်အောင် Antivirus Softwareတွေ တင်ထားပေးရပါမယ်။ နောက်ပြီးတော့ Update ဖြစ်အောင် ပြုလုပ်ထားရပါမယ်။
၂။ Hard Disk Cleaning Toolတွေ Error စစ်ပေးတဲ့ Toolတွေ Windows Systemပိုင်း Registryပိုင်း ပြင်ဆင်ပေးတဲ့ Softwareတွေ တင်ထား ပေးသင့်ပါတယ်။
၃။ Cmputer System ပုံးထဲမှာ ရှိတဲ့ Mother Board၊ CPU၊ Memoryတွေပေါ်မှာ ရှိတဲ့ ဖုန်တွေ ဖယ်ရှားပေးရပါမယ်။ Motherboardပေါ် ဖုန်တွေ အများအပြား ရှိနေခြင်းဟာ Systemရဲ့ အပူချိန်ကို မြင့်တက်စေပြီး ကိုယ့် Computerရဲ့ Performanceကို နှေးကွေးသွားစေပါတယ်။
Blue Screen Error မတက်အောင် ကာကွယ်ဖို့အတွက် နောက်ထပ် တစ်နည်းကတော့ Windowsပေါ်မှာ ပြုပြင်ပေးရပါမယ်။ အရင်ဆုံး My Computerကို Right Click နှိပ်ပြီး Propertiesထဲကို သွားပါ၊ ပြီးရင် Advanced System Settingထဲကို ဝင်ပါ။ System Properties Box ကျလာရင် Startup and Recoveryဆိုတဲ့ Itemရဲ့ Settingထဲကို ဝင်လိုက်ပါ။ ပြီးရင် Sytem Failure အောက်က Automatically Restart ဆိုတဲ့ Check Boxက အမှန်ခြစ်လေးကို ဖြုတ်ပေးပြီး Apply ၊ Ok နှိပ်လိုက်ရင် ရပါပြီ။ ဒီလောက်ဆိုရင်တော့ Blue Screen Errorနဲ့ ပတ်သက်ပြီး အဆင်ပြေကြမယ် ထင်ပါတယ်။
အဆင်ပြေကြပါစေ...
No comments:
Post a Comment